1920 1921	Grindigsjoor vo de «Freie Schnitzelbängg».
1935	Dr Bundesroot muess sich mit eme Hitler-kritische Väärs vo de Freie Schnitzelbängg befasse.
1936	Die Freie Schnitzelbängg ändere dr Name in Basler Schnitzelbangg Gsellschaft.
1937	D BSG bekunnt neii Statute und e nei Signet.
1946	Zaale zer BSG-Fasnacht: 20 Bängg, 114 Baize.
1951	Reduktion uff «numme» no 100-105 Baize.
1952	D BSG bekunnt e nei Signet.
1953	Statuteänderig: maximaal ai Frau wird pro Bangg zuegloo.
1956	D Erika Wirz ziet als eerschti Frau mit eme BSG-Bangg duur d Baize (Schnääderänte, zämme mit iirem Maa Hansjörg).
1987	S eerscht Mool geen 21 Bängg uff d Gass.
1995	D BSG fyyrt 75 Joor; 13 Bängg mache Fasnacht.
1995	Diefphunggt in dr Verainsgschicht: 10 Bängg verleen d BSG nooch dr GV. Im Summer bringt dr Griisevoorstand mit em neue Bresidänt Heinrich Klauser wiider Rue yy.
2002	Dr dradizionell Schlussoobe vo dr BSG findet s eerschtmool uff drei Schiff statt.
2003	S eerschtmool isch e Frau, Trix Schmid, Bresidäntin vo dr BSG.
2006	«Dr Schorsch vom Haafebeggi 2» lauft sy letschti offizielli Fasnacht no 55 Joor.
2008	D BSG goot wiider an Land und bresentiert dr Schlussooben uff dr Biini vo de Theater Fauteuil, Tabourettli und vom Kaisersaal. S laufe numme grad 12 Bängg. E wytere Generatioonewäggsel.
2009	Es sinn 14 Bängg wo laufe, 2 pausiere.
2010	Es laufe 13 Bängg, 2 pausiere. D BSG het zem 90 Joor e modäärn nei Blakaat bikoo.
2020	100 Joor BSG! Doch laider und aigedlig undänggbaar wiird d Fasnacht uff Grund vom Corona-Virus abgsait.
2021	D Fasnacht wird au s Joor druff abgsait! 6 Bängg hänn trotz allem Väärs gschriibe; zwai drvoo sinn zuedäm in dr Spezialsändig vom Telebasel uffdrätte.
2022	Wieder Fasnacht! 10 Bängg sinn uff dr Tour fir d BSG.
2024	Dr Schlussoobe vo dr BSG isch komplett ussverkauft (Kaisersaal, Tabourettli, Fauteuil, Intarsiensaal vom Löwenzorn).